Bewaker ta risibí tiru den man

Djadumingu 9 di yüni 2019 alrededor di 05.17’or, Sentral di Polis a risibí informashon ku un bewaker lo mester a yega Poli ku un herida di bala for di arma di kandela. Investigashon preliminar ta indiká, ku e bewaker lo mester tabata sintá na su pòst na un sentro di dibertishon riba Seru Fortunaweg.

ADV

Diripiente dos vehíkulo a pasa i e okupantenan tabata los tiru riba otro. Pa evitá ku e lo a wòrdu alkansá pa bala, e víktima J.S. nase na Kòrsou di 60 aña di edat a kore bai parti paden di e establesimentu. Na momentu ku el a yega paden, e la tuma nota ku tòg el a keda alkansá pa un tiru na altura di su man. Investigashon den e kaso aki ta kontinuá.

Comments

comments