Diadomingo marduga polis a para un Toyota Corona dilanti di aeropuerto. Ta for di un rato caba cu tabata sigui e auto aki. E tabata core hopi malo, ta baha caminda cada biaha y casi ta accidenta den trafico contrario.
Polis a logra par’e dilanti di aeropuerto. Ora cu e señora a sali for di e auto, ya e agentenan a nota cu “algo no ta bon.” Casi el a cay, a pon’e para contra di su auto y a haci un test di alcohol cu ne. E dun’e tres chens, pero e tabata asina halto cu e no por a ni supla, mas bien tabata baba e pijp.
A deten’e y transport’e pa ward’i polis. Un di e asistencia cu mas polis a atende diasabra anochi manece diadomingo; ta chauffeur nan bou influencia di alcohol. E auto a keda para dilanti aeropuerto, mainta ora e sali, e lo tin di bin busc’e bek.
