Bernabela: Ora cu formatierapport keda cla, promocionnan pendiente tambe lo ta cla

Rene Bernabela y TOPA tabata tin un lucha largo pa loke ta Inmigracion Aruba. Nan tabata tin yen di diferencia di opinion cu Gobierno etc.

E sindicalista a splica cu te na e momentonan aki e situacion pa locual ta Inmigracion ta status quo. Awor aki sindicatonan ta na mesa cu leiding, cu ta encarga cu Inmigracion, y cu DRH pa loke ta e finalisacion di e formatierapport. Bernabela a agrega cu no t’asina leu ainda pasobra tin detayenan cu tin cu aclaria. Na final, ora cu e departamento di Recurso Humano por tin un bista riba e totalidad pa loke ta e formatierapport, tin cu manda esaki ainda pa e sindicatonan, p’asina nan por pasa over di esaki. Despues pa nan bin duna nan remarca riba loke ta e formatierapport di Inmigracion.

Bernabela: Ora cu formatierapport keda cla, promocionnan pendiente tambe lo ta cla

Bernabela: Ora cu formatierapport keda cla, promocionnan pendiente tambe lo ta cla. Click link pa mas https://24ora.tv/32glxdj

Posted by 24ora on Wednesday, July 10, 2019

Mientrastanto, sindicatonan hunto cu DRH, Ministerio di Husticia y Inmigracion, pa loke ta leiding, ta na mesa ainda. Mirando e hecho di esnan cu a bin tuma over di e Departamento di Inmigracion, con nan a bin hay’e, tin cu compronde cu esaki a tuma hopi trabao pa bin bek, pa pone e departamento riba un liña di loke e maneho mester ta y con e ta encamina. E ta tumando su debido tempo.

Ora di papia di un formatierapport, esta un restructuracion di un departamento, den e caso aki Inmigracion, despues cu esaki keda cla, bo no por draai’e y cambi’e den su totalidad.

Bernabela a comenta cu awor aki ta tumando tempo, como parti di sindicato tambe pa por studia tur e aspectonan necesario pa loke ta e departamento, Esaki no solamente riba e parti di formatierapport, con cierto maneho interno den e departamento mester bay funciona den futuro, pa ora cu bay over pa firmamento.

Manera cu a bisa for di comienso na Minister di Husticia, kende na su turno a duna aprobacion di esaki, cu na momento cu e formatierapport keda cla, tur promocion pendiente tambe tin cu keda cla pareu.

Si na momento cu e formatierapport keda cla y e promocionnan pendiente no keda cla, TOPA no lo bay firma esaki. Cu esaki tin un palabracion cu Minister di Husticia, caminda cu el a duna su aprobacion pa esaki.

Awor no ta papia mas di un management team. Minister Bikker a nombra un ambtenaar encarga cu e maneho di Inmigracion, esta sr. Matos. Awor aki ta sinta cu sr. Matos na mesa, hunto cu DRH, riba e parti di formatierapport y tambe riba e parti di promocionnan pendiente.