BENU Pharmacy hunto cu ASA a ranka sali cu nan Soccer Camp

BENU Pharmacy hunto cu ASA a ranka sali cu nan Soccer Camp

BENU Pharmacy hunto cu ASA a ranka sali cu nan Soccer Camp

Posted by 24ora on Monday, April 22, 2019

Pa di dos aña consectivo, BENU Pharmacy ta patrocinador principal di Aruba Soccer Academy, cu ta organisando un Soccer Camp cu Sparta na Aruba y dialuna tabata e prome dia di e camp.

Aña pasa durante vakantie di Pasco Grandi tambe a haci’e. Por a mira un biaha mas cu e evento tabata sumamente exitoso y a bay super bon, segun David Abdul.

E ta sigui conta cu nan ta cuminsa di 4 pa 16 aña. E muchanan di 4 aña ta den sala y e muchanan di 6 aña bay ariba ta riba veld.

Ta e edad cu nan ta enfoca riba dje. E coachnan tambe ta wak cu mas jong nan ta, ta mas miho, pa asina cu si tin un chens, por haci un try out na Hulanda.

E coach di Sparta U-17, Michel Breuer, un ex profesional di Hulanda a bin Aruba. E tin mas di 500 wega profesional. Tambe ta na Aruba, Geert-Arend Roorda, kende ta coach di U-19. E tambe ta un hungado cu a bay Heerenveen, Sparta. Tambe a hunga hopi aña profesional.

Abdul a yega di wordo gescout 12 aña pasa, door di un coach cu tabata coach seleccion di Aruba.

Esey tabata e unico manera cu Abdul por a haya un chens. Awor aki toch, cu e campnan aki, nan por wordo gescout, haci un try out na Hulanda y wordo tuma.

Na Boneiro, un di e hungadonan cu a asisti na un Sparta Camp, a haci un try out, a wordo tuma. Esey tambe ta un motivacion pa sigui haci e cosnan aki, pa Boneiro, Aruba y Corsou.

Na final, bo por yuda un mucha pa asina por yega na nan soño. E ta un soño di cada mucha homber cu ta hunga futbol.

Tambe nan tin algun mucha muhe hopi bon. Jammer ta cu no tin un division di damas muchanan jong. Den e profesionalnan na Hulanda tampoco no tin profesional pa e muchanan di e edad aki. Ta cuminsa mas den 15 of 16 aña. Nan ta desaroyando hopi bon y cu e speransa cu ora nan ta tiki mas grandi, nan por haci un tryout tambe, mescos cu e mucha hombernan.


Comments

comments