Bentana di van ta wordo kibra pero no falta nada

Diabierna mainta tempran polis a wordo manda den direccion di Adriaan Lacle Boulevard. E tabata net na altura di un mall poco p’ariba di e stacion di gasolin caminda cu un kiebro a tuma luga. Na momento cu polis a yega, nan a topa cu un auto kibra.

Ta trata aki di un van cu ta wordo uza pa un compania cu ta haci trabaonan di electricidad. E van aki su glas a wordo kibra. Esaki no ta prome den e ultimo simannan aki. Ta basta auto ultimo dianan aki, hasta ayera ainda, varios auto ta wordo kibra. E mesun Modus Operandi. Kibra glas y busca co’i horta den e autonan. Segun esnan cu ta responsabel, trahando na e compania, e dia anterior nan a para e van na e sitio aki den e parkinglot. Mainta, ora yega trabao, a bin haya e glas kibra y no ta sinti cu falta un of otro tools. Hasta tabata tin rol di koper den e auto cu a wordo laga atras.

Probablemente nan lo ta buscando powertool cu ta algo di balor pa nan bay cun’e. Mucho cos nan no por a splica polis di loke tabata falta. Polis a tuma un declaracion y keda pasa firma esaki na warda di polis na Playa. Ban spera cu por pone man riba e ladron cu tin Playa terorisa.