Benny Sevinger (AVP): Rocco Tjon a gaña tur hende riba su integridad pa bira Director

Ora cu parlamentario Benny Sevinger a scucha declaracion di parlamentario di MEP, Rocco Tjon bisa cu hasta Mike Eman a vota pa su persona bira director di KIA, el a haya cu e persona aki a dal e clabo riba su cabes. “Nos tur a kere den Rocco y ora cu mi a scucha su persona bisa mi pa puntra Mike Eman, puntra Dowers, puntra sr. Candelaria, bisando cu ta nan a nombra Bo persona como director di KIA, pasobra cu bo tabatin un ‘strafblad’ limpi.

“Sr. Candelaria, sr Eman y sr Dowers, a wordo gaña dor di bo persona y no solamente nan, pero  djis pa bo persona sa, sr Tjon, e sospechoso aki Benny Sevinger, tambe a vota voor pa Bo! Ami tambe a vota den Ministerraad pa bo bira Director y mi tambe a wordo gaña dor di bo, mescos cu pueblo di Aruba ta wordo gaña pa boso gobierno cu tur promesanan haci y awe pueblo ta mira kende boso ta”.

Bo no por ta hunga rol di ta Mr. Ingegridad pero bo cosnan scondi, bo tin nan bon gedek, ya cu dia nos a vota voor pa bo bira Director di KIA, Rocco bo no a mustra nos bo vonnis y ta no mas diaranson bo persona a hisa e vonnis aki benta riba mesa pa prome biaha. Awo mundo a haya su cu abo Rocco Tjon tin un vonnis, no un vonnis strafrechtelijk pero un vonnis civiel cu ta ordena bo cu bo no tin mag di wak bo yiu.

Anto para keto un rato eynan Rocco, pasobra bo a saca e vonnis aki pasobra nos a obliga bo di haci esaki, nos a publica e number di e vonnis aki cu no a laga cu otro choice, di saca e vonnis aki.

Pa colmo Rocco, bo ta coy un paragrafo di e vonnis, cu ta cumbini bo persona, pa bay splica pueblo cu bo a perde e caso aki pero mi no mag wak mi yiu pasobra mi tin un problema cu mi ex pareha. Sr Tjong ni eynan bo tin e curashi di papia e berdad.

Hasta un  di e personanan considera un criminal grandi na mundo, Chapo Guzman, mes por wak su yiunan anto e ta den prison.

Pues henter e asunto aki no tin nada di haber Tjon, cu bo ex pareha pero e tin di haber cu e Hues y e psiciater cu a declara den e vonnis lo siguiente: “durante tratamento di e caso civil, e ta kere cu e ta para 100% tras di bo yiu kende a bisa cu bo a mishi cune.

A base si esey e Hues a tuma un decision cu bo persona Rocco, no mag wak bo yiu pasobra e mucha ta core peliger  y esey ta e decision, no pasobra bo tin un problema cu bo ex pareha, mama di e mucha.

Problema cu bo ex pareha no ta un base pa no wak bo yiu, pues no purba di gaña pueblo pero ta bolbe mustra con bo ta gaña tur hende,” Parlamentario Benny Sevinger a declara.