Tanto simpatisante y coleganan di Benny Sevinger a bay KIA, caminda cu e parlamentario a sali liber, cual a tuma luga despues di casi 70 dia cera.
Tambe mama di Benny Sevinger tabat’ey y a expresa cu e ta convenci di su inocencia. “Ta mucha bon mucha e ta.” E ruman muhe di Sevinger tambe tabat’ey y a bisa cu e ta sumamente contento cu su ruman a sali liber.
Tambe lider di AVP tabat’ey y a mustra su alegria inmenso cu libertad si cu colega Benny Sevinger.
Tur esaki a sosode despues cu Hues-Comisario a bay di acuerdo cu peticion di abogado di Sevinger, Demis Illes.
E libertad ta sosode bao di cierto condicionnan, manera cu e no por papia cu prensa, ni tampoco e mag di tin contacto cu e otro actornan envolvi den e caso.
Pa cobertura mas amplio, lesa e edicion di TREMPAN mañan.
