“Segun mi humilde opinion, e votacion den parlamento riba un mocion pa baha minister Marisol Lopez-Tromp lo ta invalido. Mi ta referi na e Reglement van Orde di Staten cu tin un capitulo Gebrek aan quorum tijdens de vergadering“, asina Benecit “Benny” Nisbet, lider di partido PPA a bisa awe nochi despues cu 10 miembro den sala, forma pa fraccion di MEP y POR a vota pa e mocion di desconfiansa contra minister Marisol Lopez-Tromp presenta pa e fraccion di MEP.
Den e reglamento di orden di parlamento ta referi na deber di e presidente cu ta conta pa henter e reunion. Articulo 27 ta bisa; Wanneer het vereiste aantal leden niet meer ter vergadering aanwezig is, verdaagt de voorzitter, na zich door hoofdelijke oproeping van het aantal aanwezige leden te hebben verzekerd, de vergadering tot een nader tijdstip. Deze vergadering wordt dan weer binnen vier werkdagen opgeroepen.
Esaki ta nifica cu presidente di parlamento a pega un barco sea wowo habri of cera. E solo hecho cu solamente 10 miembro a participa den e votacion ta demostra cu e resultado ta ilegal of invalido.
Los di e hecho cu 10 no ta un mayoria di 21 miembro tampoco. “Cu otro palabra, segun mi humilde opinion, e mocion (cu ta contene un deseo) di fraccion di MEP y sosteni pa POR no a ricibi un votacion ni legal….ni un mayoria di parlamento. Dies no ta mayoria di 21…. punto!”, asina Benny Nisbet a splica, siendo un di e politiconan activo cu mas aña di experiencia den nos sistema politico.
“Cu otro palabra, mi prome impresion ta cu parlamento NO a logra baha Minister Marisol Lopez-Tromp!”, asina e ex-minister y ex-parlamentario Benny Nisbet a termina bisando.