Ben Marapin tabata secretario general di Sociaal Economische Raad (SER) y tabata tey na un celebracion di 30 aña di SER. El a conta cu e tabata e prome secretario general y a setup SER di loke ta te cu un 6 pa 7 aña pasa. Despues sr. Bijlhout a bin neem over.
E tabata un reto basta grandi y tabata algo nobo pa Aruba. E idea tabata pa splica prome e participantenan kico un SER ta suppose di haci. Mester watchout cu no cuminsa bula riba na propio cosnan cu sindicatonan kier mas salario, e salario ta bin mas halto, etc. E tabata un reto pa haya un bon balansa entre e interesnan di dunadonan di trabao y trahadonan. Tambe mester tene cuenta cu e deseonan politico cu semper ta spera un conseho positivo cu nan por score cun’e. Den 22 aña el a experencia basta Gobierno di diferente color y consistencia. Esey tabata e reto di mas grandi. Tin di bisa cu den e 22 añanan aki, tur conseho cu a sali den e periodo ey, tur tabata unanime, cu excepcion un of dos so cu no tabata carga e sosten di dunadonan di trabao, trahadonan y miembronan independiente en conseho.
Teniendo cuenta cu conseho di SER
Marapin a sigui splica cu durante di su trayectoria, basta conseho a wordo sigui, nunca al pie de la letra, pero en general a sigui esey. Tin cu bisa cu un tendencia ta y no ta na Aruba so, pero mundialmente, cu ta mira cu for di arena politio, tin mas concentracion di loke ta e procedura di tuma decision, cu ta mas tanto den un nucleo politico of parlamento, y menos ta wordo influencia door di loke ta bin di pafo. No solamente di conseho Socio Economico, pero kisas tambe di Banco Central, hasta IMF, CAFT, tur eseynan ta mira mas y mas e tendencia tey. No ta solamente na Aruba. Ta mir’e otro caminda tambe y ta di lamenta. Muy particular, un pais chikito manera Aruba mester tin suficiente balancing powers, no solamente den parlamento cu semper no ta fungi manera debe ser, door di structura politico, pero mester tin un bon balancing power den forma di un instituto manera Banco Central, Raad van Advies y SER. Ta di spera cu esey haya un bida nobo y basta fuerte den añanan dilanti di nos.
Ken por bin cerca SER
Ta Gobierno so por bati porta na SER. E ta un adviesorgaan pa Gobierno. A wordo bisa cu kisas mester amplia esey pa parlamento. No sa si esey ta un idea alcansabel. Pasobra tin un banda e instituto cu ta controla y vigila Gobierno. E lo ta dificil pa bo conseha esun cu ta controla, cu ta ehecuta. Kisas mester wak un manera di independisa SER mas y dun’e espacio pa haci trabao manera debe ser y critica nan si nan no haci’e bon. Esey tambe ta necesario. Pero esey ta e parti cu mester focus riba dje. E unico instancia cu por bati na porta di SER ta Gobierno. Tin cu bisa si cu SER por tuma iniciativa for di su mes. Den periodo di Marapin esey a wordo haci hopi. Diferente rapport a wordo produci sin cu a bin un peticion di Gobierno y tabata rapportnan basta critico. Ta spera esey lo por cuminsa atrobe den futuro, pasobra esey ta crea un espacio unda cu Gobierno tin cu tene cuenta cu loke ta wordo bisa tambe door di SER, Banco Central, Raad van Advies, etc.
Parlamento a bati na porta di SER
Marapin a splica cu ta riba un tereno Socio Economico. Si no kiboca e tabata tin di haber cu e hecho cu si mester cambia e ley pa scoge parlamentarionan basa riba cuanto voto nan haya. Esey pa Marapin, mester bay riba borchi di Raad van Advies, pasobra e ta conseha riba tereno administrativo huridico y no tin di haber cu situacion Socio Economico. E no mester bin na SER, segun Marapin.
