Den un encuentro cambiante, Belgica a demostra cu ademas di hungadonan grandi, e tin e capacidad pa recupera: el a vence Hapon 3-2, despues di a lanta dos gol di desbentaha. Den cuartonan di final di Copa Mundial di FIFA Rusi 2018, ta spera nan nada menos cu e seleccion di Brasil.

Tras di un prome tempo pareu, unda cu behalve e lapsonan chikito di dominio di uno y otro e virtudnan defensivo a bira dof riba e ofensivanan, Hapon a tira dos bofta di knockout den e inicio di e wega: enorme definicion crusa di Genki Haraguchi den e di 48 minuut y cuater minuut despues, Takashi Inui a amplie cu un golaso for di pafo, su di dos di e torneo.

BancoDiCaribe
Cobertura Mundial Rusia 2018 presenta pa Banco Di Caribe

Tabata un prueba di personalida pa Belgica yena di talento. Tabata tin varios minuut di histeria y Roberto Martinez a bet pa e acoso aereo cu e entrada di Marouane Fellaini. El a duna resultado. E cabesaso gepomp di Jan Vertonghen, den e di 69 minuut el a hink’e den e partido. Na e di 74 minuut, e 194 cm di Fellaini a aparece den e curason di e area pa e 2-2.

E Diabelnan Cora a bay pa e di tres. Kawashima a salba ante e cabesaso di Lukaku. Courtois tambe mester a revolca y ora cu tur hende na Rostov a pensa den e alargamento, Nacer Chadli a transforma den un golaso contra di manual den e di cuater minuut di e tempo extra.

Comments

comments