Trahadonan di Casa Cuna un biaha mas ta organisando nan tradicional Bazaar di fin di aña.
Esaki ta tuma luga riba diasabra, 30 di november, cuminsando pa 10’or di mainta y finalisando pa 6’or di atardi . Ademas di tin un cushina bon surti, ta bay tin diferente tent pa nan seccion di vlooienmarkt. Den e Mercado di Purga tin na benta buki, mata, skina di cos dushi, bolo, pero tambe tin specialmente pa muchanan dino jump y face painting.
Durante henter dia ta bay tin entretenimento musical di Spectrum, cu a sponser e musica di henter dia na e Bazaar di Casa Cuna. Banda di esaki tin e musica di Cafe Latte y Un Brindis.
Casa Cuna a haya cooperacion di hopi comerciante cu donacion di paña y comestibles cu nan ta bay ta bendiendo e dia aki.