Basta sla a cay sin cu Polis por a controla e situacion

18520

Diaranson anochi un video a bay viral. Esaki ta un video cu a ser graba pa un tercera. Ta un patruya di Santa Cruz cu a bay atende un asistencia y a bay over na detencion. Polis a purba papia cu e sospechoso prome cu bay over na pone na boei. E homber a keda splica Polis cu no ta husto su detencion. Polisnan a dicidi cu ta pone man riba e sospechoso pa por pone na boei. E sospechoso a resisti y cuminsa parti sla contra e dos

polisnan masculino. E dama polis a saca klop y tira algun klop te cu su klop a cay. Ora cu e sospechoso a caba di tira sla, el a pense bon. Mesora el a stop y bisa polis cu e ta cla y nan por hibe warda numa. Asina mes por a mira cu e agentenan no a confia e asunto. Nan a mantene distancia pa evita di haya mas golpi pero e sospechoso mes a pense cu ta miho e subi dogcatcher prome e haya un paranda di golpi.

Tur caminda e video a bay y a yega tembe den man di superiornan di cuerpo policial cu tambe a pidi claridad di loke nan a mira pasa cu e coleganan. For di vocero di Polis, nos a ser notifica cu ta un caso di e siman aki. A papia di tres of cuater dia pasa. No ta conoci si e sospechoso a keda cera. Un tercera a graba e video cu a plama rapidamente diaranson anochi via whatsapp.

Basta sla a cay sin cu Polis por a controla e situacion

Basta sla a cay sin cu Polis por a controla e situacion

Posted by 24ora on Wednesday, October 28, 2020