Un cantidad di Polis a topa pa bay atende atrobe cu e grupo cu ta aglomera dilanti United Dinner. Polisnan e dianan anterior a pidi refuerso pasobra ora a atende cu e grupo a sinti cu e por a bira un problema. Diabierna atardi atrobe e yamada a drenta.
Polisnan a topa na Dimas hunto sali pa e sitio y drenta den accion. Na yegada a topa algun di e caranan conoci. A listra varios hende y haci un detencion. Tambe a listra un brommer y un auto. A busca algun skina scondi pa droga y arma. Yamadanan sa drenta cu tin bendemento di droga tambe den e area. Helicopter tambe a bula eybanda pa asina tin un bista for di laira.