Basta droga confisca den entrada hudicial

Den fin di siman Recherche di Oranjestad a tene un entrada hudicial. Nan a detene un hende homber di inicialnan E.P. pa menasa. Na 2020 a entrega un keho contra e persona aki y ministerio publico a haya cu tin suficiente base pa autorisa recherche di Oranjestad pa bay detene e persona aki.

Team di aresto a presenta na un cas situa den Tanki Leendert pa haci e entrada hudicial. Nan a tene un control den e cas y a bin topa un freezer. Na momento cu a bay check e freezer den e cas aki, a bin topa cu’n cantidad basta grandi di marihuana y cocaina. Di biaha a confisca e droga aki y ta pendiente pa mas investigacion.

Pa Cuerpo Policial por resolve mas caso tin mester di cooperacion y informacion di pueblo di Aruba.  Pa e motibo aki Cuerpo Policial ta recorda tur hende con importante pa nan haya e informacionnan aki. Si tin cualkier informacion por yama na e tiplijn: 11141.