Baseball Liga Menor di Amateur Baseball Bond Aruba(ABBA) a inicia cu un bunita ceremonia

Recientemente Amateur Baseball Bond Aruba a inicia cu nan campeonato di baseball Liga Menor unda nan a tene un bunita ceremonia di apertura den stadion di Nadi Croes y Crismo Angela na Sta Cruz.

Mester bisa cu un gran cantidad di ekipo a participa na e ceremonia di apertura aki. E ekiponan tur tabata colorido mientras mayoria organisacion di baseball a bini cu tur nan categorianan. Bunita pa mira e presencia di e cantidad grandi di mayornan presente cu a bini y apoya nan yiu(nan). E campeonato e anja aki ta dedica specialmente na nos mucha y hoben peloteronan. E hoben special Marc Gonsalez cu a canta nos tono glorioso Aruba Dushi Tera.

Presidente di ABBA, Sr. Karel Williams a hiba palabra e atardi aki unda e la resumi e temporada di baseball cu tabata uno bon mirando nos a gana e titulo Latino America y nos a bay cu un seleccion 9-10 pa e Panamericano na Mexico. E enfasis sin duda ta pa sinja e muchanan hunga e wega y no nesecariamente e ganamento. A pidi mayornan den tur edad pa sigui duna sosten na nan yiunan pa asina nan keda pone nan focus riba e caminda corecto. Deporte na banda cu e ta sano ta trece e mihor facetanan di bida pa e ser humano. Stichting Sportsubsidie Aruba a yuda subsidia e campeonato di baseball Liga Menor di ABBA

Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.