Barkitonan Colombiano ya ta na Corsou pa cuminsa test bendemento di fruta y berdura

Den un pasado no mucho leu, pa hopi decada, barkitonan Venezolano tabata bin cu fruta y berdura pa asina bende na Corsou.

Na Aruba tambe nos tabata tin’e, pero desde e ceramento di frontera aña pasa, a cuminsa cu otro alternativanan pa nos haya nos alimentonan organico. Na Corsou, nan no a keda drumi. No solamente e cultivadornan local ya tin mercado pa nan cosecha. Awo barkitonan for di La Guajira, Riohacha, Colombia, ta biniendo cu cargamento di fruta y berdura.

E prome cu a yega ta Samuray, cu awor aki ta fula tera door di test e distancia, con e fruta y berduranan ta wanta e trayectoria, mirando cu e distancia ta un tiki mas largo compara cu Venezuela.Pero nan no ta bende solamente esey. E biaha aki nan ta biniendo cu Hooi pa animalnan manera cabay y baca. Esaki sigur ta un alternativa cu nos por yama positivo y por mira cu claramente cu esaki lo bay surti. Nos ta sigui e desaroyo aki di cerca na nos hermana isla Corsou.