Diaranson, pa mas of menos 2:45 pm, personal di limpiesa di Big Mama Grill na Baby Beach a pone autoridad na altura di un candela intencional sendi den baño di e luga.
E señora encarga cu e trabao mes a paga e candela cu a origina den tanto e baño di hende homber como esun di hende muhe.
Propietario di e luga naturalmente a duna su declaracion na polis y a duna un descripcion di e supuesto malhechornan, kendenan lo tabata den un Nissan March colo berde.
Aparentemente un persona mester a baha for di e vehiculo y a sende e bañonan na candela. Naturalmente autoridad tin e caso aki bao di investigacion pa asina pone man na e autor(nan) di e candela aki.
