Diabierna den oranan di anochi e Polisnan a bay na altura di Biblioteca Nacional. Eynan tin un persona riba caya. Na yegada a topa cu un dama conoci pa nan caba.
E dama tin basta tempo ta move riba caya. Algun tempo a entreviste y el a ser cori for di cas. Cu awa na wowo el a conta e dia ey. Awor Polis a tope dilanti Biblioteca y a papia cune. A bay over na detencion. Durante e detencion el a cana bay y Polis a bay cana su tras. CEA su personal a yega den e van y a hib warda di Shaba.
E señora aki mirando tur e problemanan no ta 100% mentalmente stabiel. Spera cu un dia e logra haya yudansa y tin un hogar pa e por sosega. Den un situacion asina e señora aki logicamente no tin placa pa paga un hogar pa pasa anochi.
