Banco di Inglatera no ta print placa pa yuda e pais bringa coronavirus

711

E Banco di Inglatera (Bank of England (BoE)) no ta bay print placa pa yuda Gobierno gasta mientras e ta defende e economia Britanico contra e crisis di coronavirus, asina gobernador Andrew Bailey a bisa.

Luna pasa BoE a cumpra 200 miyon pound ($245.2 biyon), un movecion similar di Reserva Federal y Banco Central Europe como banconan Central rond mundo pa limita e recesion.

E minister di financia, Rishi Sunak, a anuncia cu estado Britanico lo paga e 80% di salario di e empleadonan cu companianan temporalmente a manda cas, sperando cu nan por drenta mercado laboral bek asina e crisis pasa.

E decision historico aki tabata parti di e medidanan di emergencia cu lo costa e Gobierno mas o menos £60 biyon na un tempo cu lo sufri un caida den e entrada di impuesto.

Gobernador Bailey a reconoce cu mundo ta enfrentando un “tempo grandi di incertidumbre”. El a bisa di opone pa cualkier yamada di BoE pa print placa simplemente pa yuda Gobierno. “Uzando financia monetario lo por daña e credibilidad pa controla inflacion di operacion independiente,” Bailey a bisa. E idea cu banconan central ta yuda Gobiernonan pa gasta mas a lanta preocupacionnan den futuro pa lantamento di inflacion. “Desde e expansion reciente,  compra di bono ta menasa e meta, MPC (Money Policy Committee) por reacciona,” el a bisa.