Tempo cu ArubaDoet a cuminsa 7 aña pasa, Banco di Caribe a participa den varios proyecto boluntario. Sue-lan Liao Jin, di e departamento di mercadeo di Banco di Caribe, a splica cu e biaha aki ta na John Wesley College na San Nicolas, en conexion cu ArubaDoet.

E ta sigui splica cu nan tin un grupo di boluntarionan di e banco, hunto cu famianan, cu ta pone na obra pa yuda e aña aki na dos instancia.

Fuera di John Wesley College, nan ta yuda Stichting Ambiente Nobo na Santa Cruz.

Pa loke ta john Wesley College, nan ta yudando pa verf e bankinan pa asina e muchanan por sinta y come nan lunch den pauze. Tambe nan ta yuda cu algun proyecto di verf pa e atardi di diasabra. Parti mainta di diasabra mes a purba di rond af esaki.

Pa loke ta e proyecto na Ambiente Feliz, nan a verf diferente parti den e luga. Tambe nan a pidi nan pa nan pinta un mural, cual nan a haci diabierna, y diasabra nan a finalisa e proyecto aki.

Banco di Caribe ta hopi contento y gradicido na tur nan empleado y nan famia cu a duna nan tempo riba e diasabra aki pa haci e proyectonan aki posibel. Sin nan esaki no tabata posibel.


Comments

comments