Recientemente Banco Central di Aruba a publica e asina yama “Economic Forecast Monitor” den cual e Banco (normalmente) ta duna un pronostico di e economia local y internacional. Curioso sinembargo ta cu e biaha aki Banco Central no a inclui un pronostico di e economia local.
Den e ultimo Economic Forecast Monitor Banco Central a indica cu e economia di Aruba lo crece cu 2.7% e aña aki si e inversionnan planea den refineria di Aruba materialisa. E Banco Nacional a indica a la bes cu nan ta pronostica cu e economia di Aruba lo crece cu 1% si e rehabilitacion di e refineria no tuma lugar.
Den presupuesto 2018 Gobierno di Aruba awor ta teniendo cuenta cu un crecemento economico di 0% riba termino real. Cual ta menos cu e pronostico di Banco Central di Aruba.
No ta conoci kico ta e motibo cu Banco Central no a publica e pronostico den e Economic Forecast Monitor cual tin como meta pa informa comunidad y stakeholders riba e desaroyonan economico na Aruba.
Te unda nos sa, esaki ta prome biaha cu e publicacion aki no ta inclui un pronostico pa e economia di Aruba.
Click AKI pa e pronostico economico di Banco Central.
