Banco Central di Corsou y St. Maarten a hisa interes

Banco Central di Corsou y St. Maarten a dicidi di hisa l interes riba prestamo entrante 1 di Januari 2019 di 2% pa 2.5%. Interes riba prestamo (beleningsrente) ta un tarifa cu banconan comercial local por obtene credito di Banco Central contra garantia. Ta di tres aumento for di e nivel historicamente abao di 1%, cu tabata na vigor desde dia 29 di December 2008. E aumentonan anterior a tuma luga dia 20 di maart 2017 y dia 27 di maart di e aña aki.

E rason inmediato ta e decision di e Reserva Federal di siman pasa pa aumenta e tasa di fondonan federal pa 2,25 – 2,5%, e di nuebe aumento for di e nivel historicamente bao di 0 – 0,25% uza desde 16 di december 2008 te cu dia 15 di december 2015.

Door di vincula e florin na e dollar Mericano, e tarifanan di interes riba mercado monetario internacional ta afecta e tasa di interes riba mercado monetario di e union monetario di Corsou y St. Maarten. Un aumento riba e tasa di fondonan federal ta refleha directamente riba e tasanan di mercado monetario internacional.

Aunke Corsou a anuncia aumento di interes mesora, aki na Aruba ainda Banco Central no a sali bisa nada. Na Aruba tambe nos florin ta mara na e Dollar Mericano.

Comments

comments