Durante e di segundo ola di e pandemia di COVID-19, consumidornan tabata poco mas pesimista mientras cu e confiansa di consumidor ta baha te na 91.8, un bahada di 0,2 punto di indice durante e di tercer trimester di 2020 (Grafiek 1).
Na final di e di tercer trimester, e preocupacion mas grandi di consumidornan tabata ta e condicionnan economico actual (87 porciento) y e posicion financiero di gobierno (84 porciento), sigui pa oportunidad di empleo (72 porciento). Mas cu dos tercera parti di e consumidornan (71 porciento) a indica cu nan ta preocupa pa nan estado di salud, mientras 68 porciento di consumidor a raporta cu nan no tabata tin problema pa cumpli cu nan necesidadnan basico.
Mayoria di consumidor ta percibi cu nan situation financiero na cas a empeora (60 porciento), un aumento di 5 punto di porcentahe compara cu e trimester anterior (55 porciento).
Den e di tercer trimester di 2020, e indice di e situacion actual a keda na 90,6, mientras cu e indice di expectativa a baha te na 92,8, for di 93,3 den e trimester anterior. Compara cu e di segundo trimester, consumidornan tabata un oco mas pesimista pa locual ta nan futuro. Por lo tanto, casi 41 porciento di consumidor ta kere cu e impacto di e pandemia di COVID-19 lo dura entre 1 pa 2 aña y 35 porciento di participante a anticipa cu e lo dura mas cu 2 aña. Den e di tercer trimester, 79 porciento di consumidor a raporta cu compra di un auto no tabata apropia, mientras cu casi 70 porciento a raporta cu bai cu vakantie of tuma un hipoteca no tabata adecua. Consecuentemente, e indice di habito di consumidor a registra 92, mescos cu e di tercer trimester di 2020.
Informacion adicional riba e encuesta di confiansa di consumidor ta disponibel riba website di CBA https://www.cbaruba.org/
