Ban Vèlt Bèk lo tuma luga djasabra aki na Tera Kòrá

E di sinku edishon di e projekto ‘Ban Vèlt Bèk’ lo tuma luga djasabra 25 di mei na e vèlt di Tera Kòrá. Damitanan di 6 pa 12 anja ta wordu invita dor di e duo coachnan Verda Betrian i Danaë Daal pa partisipa den e klinika di futbòl ku lo ta kompletamente gratis.

For di 8:00am pa 9:30am e damitanan lo wordu introdusi ku futbol i sinja e parti basiko di futbòl. E meta di e projekto ta pa laga e damitanan hasi deporte i tambe interesa nan pa join un tim di futbol.

Coach Verda I Danaë huntu ku organisashon di Deportivo Tera Kòrá ta spera tur damita ku ta interesa pa jega velt djasabra aki. Pa mas informashon por sigi e facebook pages Curacao Women’s Football I Union Deportiva Tera Kora.

Comments

comments