Mas di diescinco aña Aruba Sport Unie (A.S.U.) ta organisa e actividad p’e hobennan. E aña aki un biaha mas nan tin e programa deporte vacacional, miho conoci como Ban Move Camp.
Normalmente ta haci e camp cu e federacionnan deportivo, miembro di A.S.U., y sosten di Ministerio di Deporte. E camp ta tuma luga den luna di juli, cual lo ta di tres siman. E prome siman di ta dia 12 – 16 juli na Sport Center San Nicolas, e di dos siman ta di 19 – 23 juli y lo ta den Compleho Deportivo Frans Figaroa y e ultimo siman ta di 26-30 juli den Centro Deportivo Libertador Betico Croes na Santa Cruz.
Tur dia e actividad ta di 8:00 am – 1:00 pm y e muchanan ta haya algo di come. Lo tin shete diferente actividad deportivo, asina Gerald Franca, presidente di A.S.U. a expresa. E ta indica cu cupo ta yena lihe, p’esey e mayornan mester inscribi nan yiu lihe. Por tuma contacto cu A.S.U. na 5854071 pa haya sa mas di e camp.
Pa mas informacion lesa e corant digital TREMPAN.
