Ruthmila Odor-Croes, zorgmanager di Dr. Horacio Oduber Hospital, ta felicita for di awo caba tur enfermero na Aruba. Tin diferente instancia na Aruba cu tin enfermero ta traha den nan organisacion.
No ta keda Odor-Croes pa bisa pa un y tur participa na e siman aki. Si bo conoce un enfermero, bise pabien y danki, pa e influencia cu el a haci den bo bida. Hospital ta desea pa tur gosa sanamente e siman aki. For di mainta tempran dialuna, ya nan a celebra, bisa otro pabien y danki.
E aprecio ta hopi importante e siman aki y tur ora, pa e enfermeranan.vOduber-Croes a subraya riba e actividadnan durante e siman aki. Awe dialuna, 11’or tabata tin e apertura oficial na hospital. Diamars, ta bay tin pa e trahadonan, nan lo haya un regalito prepara pa nan.vDiaranson nan tin e tradicional, hopi famoso Breakfast. Ta trata aki di 1000 trahado desayunando hunto. E ta cuminsa for di 6’or y mey di mainta. Ora cu caba di come, ta bay baila salsa, pasobra tin salsa workshop.
Pa loke ta diaranson y diabierna, ta bay tin diferente pampering sessions cu footmassage, headmassage, facials, pedicure, manicure. E ta e un biaha pa aña cu ta pone hopi enfasis riba tur e enfermeronan y gradici nan, den nomber di pueblo di Aruba pa loke nan ta nifica den cada un di nos curason. Nos tur tin un storia pa conta cu un nurse cu a touch bo bida pa semper. Diabierna atardi lo cab’e na Bowling cu den un solo dia tabata sold out. Odor-Croes ta gradici pueblo di Aruba pa e siman di enfermeria y ta desea tur enfermeronan pa disfruta tur cu tin.
Agresion
Ruthmila Odor-Croes tin 20 aña ta traha na hospital y e tendencia ta cu hopi hende ta pensa cu ora nan yega hospital, nan tin cu haya tur cos awor, di biaha. Nan ta traha segun un sistema di traige. Una bes cu e pashent yega riba piso, cerca Odor-Croes tin hopi pashent cu tin problemanan neurologico. Por ta nan tin un tumor na cabes cu nan no por yuda cu nan ta actua agresivo.
Pa esey, nan ta trahando hopi pisa, con pa preveni pa hendenan cay. Un di e maneranan ta cu ta mara nan. Pero no ta algo di awe. E no ta cosnan di awendia. Ta bin cu tur otro cos pa evita cu e hendenan ta cay.
Pa e mesun manera ey tin e partinan cu e pashentnan ta bira agresivo. E ta agresivo door di e malesa cu tin, e ta agresivo door di e substancia cu el a caba di tuma? Of e ta agresivo pasobra e ta psikiatrico. Ta cosnan cu cada caso ta diferente. Cada caso ta unico. Loke si no ta tolera, ta violencia den e area di trabao. E enfermeronan ta wordo entrena, lamentablemente, pa agresion, pasobra e ta birando asina hopi y ta yena nan formularionan. Ora ta necesario tin security 24 ora riba piso. Odor-Croes a splica cu tur su enfermeronan y pashentnan ta wordo protehi. Den casonan extermo, nan ta tuma contacto cu polis.
Problemanan
Segun Odor-Croes, e pashentnan di antes, tabata tin un solo cos. Esunnan di awe, nan tin mas cos. Antes bo tabata tin e zuster ta djis bay baña e pashent, dun’e su cuminda. E cuido awendia ta asina complica y compleho, cu e dokter mester pa haci mas cos. Nan tin cu stimula, wak e pashent holisticamente. Tin cu saca e pashent di su rutina di antes, pon’e den e rutina nobo. E enfermeronan na cama, mester di nan masha hopi mes. E ta importante pa sigui encurasha e muchanan cu a caba HAVO, pa por fabor sigui e bunita carera di enfermeria. Lo toca hopi hende nan bida. Si bo ta pensa cu ora bo caba MAVO bo por bay EPI. EPI tin su scol awendia di enfermeria. Hospital tine’ asina hopi cu ora nan ta den di 3 aña di estudio, ta tuma nan den servicio pa por ta sigur cu nan tin atrobe 10 enfermero cu ta keda cla otro aña. Asina aki tin e grupo cu a caba recientemente, cual tabata grupo di 13. Tin un grupo su tras di 10. Awo nan ta invirtiendo masha hopi tempo y placa pa por sigui crea mas zuster y broeder. No mester descarta e mucha hombernan. Mester tin e balansa pa tin hende homber den enfermeria.
Casa di Odor-Croes ta enfermero. Nan ta traha hopi duro, cu hopi pasion. Ta mira toch hende homber ta duna un otro dinamica den enfermeria. Bo tin e pashentnan cu ta prefera pa tin un broeder yud’e. Tin cu haci e best pa respeta. No ta comply tur ora, no ta pasobra nan no kier, sino pasobra nan no por.
E afdeling di Odor-Croes ta uno hopi multicultural. Tin Filipino, Surinameño, Belga, Hulandes. Tin hendenan cu a gradua na Hulanda. Ta un afdeling multicultural pa un isla multicultural.
