Dilanti Departamento di Impuesto autoridad a actua diahuebs mainta. E siman aki so Tabata tin dos caso cu a conduci na accion.
Esaki ta simplemente pasobra chauffeurnan no ta respeta borchinan y reglanan di trafico. Dilanti di DIMP e caminda ta di dos via. Dos auto por pasa bay bin. Ultimo tempo chauffeurnan balente cu no kier cana, ta djis para auto dilanti riba caminda y stroba e pasada pa dos auto.
Despues di hopi keho, DIMP a manda peticion pa DOW. Hunto cu Polis a yega na un areglo caminda por a finalmente pone borchi. E borchinan a wordo instala ambos punta di caminda na e skina di DIMP. A splica cu no mag para riba e caminda. Asina mes chauffeurnan Tabata ciego pa e borchinan poni. Tabata spera pa Polis actua mesora. Asina mes esaki no a sosode. Cos a bay asina ley caminda e siman aki un cliente a haya stroke na DIMP. A yama ambulance cu urgencia pa presenta. A resulta cu ambulance no a haya un espacio pa por a yega cu urgencia y staciona.
Tur esaki pasobra Tabata tin auto mal para. Despues den oranan di atardi tambe a bin problema. Chauffeurnan a hera bringa pasobra no por a pasa y autonan a medio mishi otro. Tur esaki pasobra tabata tin autonan keto bay mal para dilanti DIMP. Diahuebs mainta a mira presencia di Polis y a cuminsa avisa tur hende cu mester kita auto. Esey a sosode tambe y finalmente e caminda a keda liber manera mester ta. DIMP a laga sa caba cu nan ta trahando espacio pa mas auto por para den nan parkinglot. Esey no kiermen cu no tin luga. Tin luga pero hendenan kier para den porta pa no cana. Nos no sa si ora Polis bandona e sitio nan lo bolbe para auto malo. Multanan lo cuminsa cay na DIMP ora Polis haya autonan mal para causando problema pa e trafico.
