Baby a nace den parkeerplaats di Hospital

Diabierna atardi pa 3:25pm, a yega un auto cu un mama dunando luz den dje. A pensa cu tabata na ora pa e parto, pero a resulta cu e baby no kier a warda. E mama a duna luz den auto, den pleno parkeerplaats di Hospital.

For di Hospital nos a compronde cu tanto e mama como e “Baby Boy” ta den condicion perfecto di salud y cu e parto tabata normal.

Esaki ta e di dos baby di e mama. Segun nos informacion, e awa di yiu a kibra y a sali pa Hospita di biaha pero baby tabatin pura y no por a warda pues e la duna luz den auto.

Tata a yuda y algun mirones tambe. E ekipo di nursenan di e Departamento di Maternidad a yega ora e baby a nace caba y a tuma e baby y e mama over pa hiba nan paden y a brinda e cuido necesario.

Pabien na e mayornan cu nan yiu homber.