AZV ta bay tin su Health Fair dia 8 di Juni proximo

Dia 8 di Juni, AZV ta bay tin su Health Fair dia 8 di Juni. Director di e organo, Raymond Goedhoop a splica fuera di e balie nobo cu AZV tin, pa por duna miho servicio na su clientenan, un proyecto pa bin mas cerca di e clientenan ta Aruba Health Fair.

E ta un evento unico, cual prome biaha na Aruba ta haci un evento di e magnitud aki, cu ta enfoca solamente riba salud. Goedhoop a sigui splica cu Aruba Health Fair ta bay bira un evento pa tur hende basicamente.

E ta un banda un evento pa duna informacion, pero tambe di un forma practica, no solamente scucha, pero tambe ta bay tin workshops, haci e topico di salud hopi mas interesante. Por ehempel den un workshop ta bay haci por ehempel con ta cushina den un forma saludabel. Den un forma practico toch, asina pa spera pa e topico di salud ta bira mas practico tambe pa tur hende compronde y practica na cas tur dia.
Tambe ta bay tin un Activities Corner, cu e famoso dunktank. Ta percura pa tin personanan clave eyden y lo bay tin chens pa bentanan den awa.

Ta bay tin bandanan pa toca en bibo durante full e evento y naturalmente ta bay tin hala di stands di cuminda saludabel y bebidanan tambe. E ta un evento completo y cu ta enfoca pa atrae mas hende cu ta posibel y asina brinda e topico di salud mas cerca di e pueblo, cual ta clientenan di AZV. E evento mes ta bay tuma luga dia 8 di Juni. Esey ta bay ta riba un diasabra. Durante dia hendenan tin cu traha y tin biaha ta dificil pa atende un evento asina. P’esey a dicidi pa pon’e riba un diasabra atardi te cu anochi 11’or, incluyendo e entretenimento en bibo.

E evento mes ta bay tuma luga den AZV Square Garden (parkinglot di AZV). Fuera di esey, full rond di AZV ta bay haya un cambio y ta bay converti den e Health Fair, cu standnan di cuminda full rond, ta bay tin un live stage cu e bandanan. E ta bay bira full un happening. Full e area rond di AZV ta bay bira e Aruba Health Fair. Pesey e meta di e evento aki ta pa un banda berdad duna informacion na pueblo, kico nan por spera di AZV. Kico por spera di un dunado di cuido. Pero tambe di un otro banda, duna organisacionnan un oportunidad pa brinda nan servicio, pa brinda informacion riba topiconan manera prevencion, cuido di anciano, of cuido di diabetes, of cuido en general. Pa e evento aki bira mas accesibel pa tur hende a dicidi cu e ta bira gratis pa muchanan bao di 16 aña, tanten cu nan bin cu un adulto. Adultonan mes ta paga 5 florin pa persona. Ta haci e entrada mas abao cu ta posibel pa tur hende bin y goza di e evento. Full un team ta traha riba e evento aki pa haci’e posibel. Nan a duna hopi di nan tempo priva tambe pa traha y organisa e evento aki. Goedhoop ta gradici nan pa nan trabao. Tambe un palabra di danki na e sponsornan. Tin caba varios sponsor cu ta hopi entusiasma pa participa den e evento unico aki. Ainda ta spera mas sponsor cu ta sigui y join AZV. Sin e team y sin e sponsornan, e evento aki no lo ta posibel nunca, Goedhoop a expresa.

Entrada

Joost v/d Kamp a splica cu pa e Aruba Health Fair, ta desaroyando un app cu bo por uza pa inscribi pa workshopnan, pa bo ta sigur cu bo tin bo luga pa participa durante e Aruba Health Fair. Tambe bo por registra pa bo haya bo entrada. Tambe por busca carchi na AZV mes of registra online y despues busca bo carchi na AZV.
Mas informacion tocante ticket, lo duna via nan website, nan paginanan di Facebook y Instagram.

Comments

comments