Aña pasa december a informa di un posibel fusion di dr. Horacio E. Oduber Hospital (HOH) y Instituto Medico San Nicolas (ImSan). Riba esaki, di parti di hospital a splica cu HOH ta kere den e fusion y den un cooperacion intensivo. A señala na cu Aruba ta mucho chikito pa tin dos instancia riba diferente nivel, pues hospital ta un fundacion mientras Im San ta Sui generis, pues nan no tin un Raad van Toezicht manera hospital. Represante di hospital a bisa e comision di salubridad di parlamento cu nan ta kere cu e fusion aki lo percura pa brinda pueblo un miho cuido pa menos placa.
Esaki ta locual a duna di conoce na februari ultimo, despues di un reunion den parlamento cu e comision di salubridad. Sinembargo, apenas un luna despues, pues na maart ya caba a bin compronde cu hospital y ImSan ta den “guera” cu otro. Esaki tabata e palabranan di ir. Edwin Jacobs, director di AZV. Durante un conferencia di prensa, den cua AZV a presenta su relato financiero 2021, a puntra Jacobs con a para cu e fusion aki.
Jacobs a bisa cu sigur e fusion aki ta riba lista di atencion hopi halto di e minister concerni, esta Dangui Oduber, cu proximamente lo bay cuminsa trek esaki atrobe. Ta mira cu tin espacio cu un bon cooperacion entre e dos institutonan lo reduci gasto y amplia e posibilidad pa nan mes duna mas servicio na comunidad.
