Ta basta aña caba cu e señora aki ta cana riba caya. E ta cana memey caminda mayoria biaha. E ta haci varios seña y tambe movecionnan cu por nota cu e señora tin un problema. Hopi biaha ta auto tin cu hala p’e for di caminda.
Awe a detene tambe na San Nicolas, e tabata haci fastioso patras di Pool na San Nicolas. E tabata cana cu machete den man ta menasa hendenan den e area. Nos no sa te ki dia of con hopi mas lo tin cu warda pa ayudo yega cerca dje.
E ta trafica mayoria biaha na San Nicolas mes, banda di Carnival Village y tambe Pastoor Hendrikstraat. Nos ta spera cu e instancianan concerni tuma accion prome cu ta laat.
