Servisio pa Obra Públiko (OW) ta anunsiá ku for di awor por hasi diferente pago na OW via di e sistema di ‘swipe’ ku karchi di banko.
Por paga pa:
pèrmit pa kobamentu (“graafvergunning”),
kùrmentu di instalashonnan di koriente (“keuring elektra installaties”),
pèrmit pa instaladonan (“installateursvergunning”),
mapanan digital (“digitale kaarten”,
vürwèrk,
i konekshon riba sistema di riolering (“aansluiting riolering”).
E aspekto di seguridat ta hopi importante awendia prinsipalmente kaminda tin transakshon di sèn kèsh. Ku e pensamentu aki den mente, OW a tuma e desishon ku lo no bai risibí sèn kèsh mas pa trabounan ku e servisio ta realisá. Awor aki e pago por tuma lugá tantu ku sèn kèsh komo ‘swipe’, pero entrante 1 sèptèmber 2018 no lo akseptá sèn kèsh mas!
OW ta pidi komunidat pa tene kuenta ku e kambio aki pa ora nan mester realisá kualke transakshon finansiero. OW ta pidi su diskulpa pa kualke inkumbinensha ku esaki por a trese kuné, pero e ta pa seguridat di un i tur.