Recientemente a tuma luga un reunion importante cu tin di haber cu KIA (Korectie Instituut Aruba) y su Formatieplan pa cu e trahadonan.
Gino Winklaar, kende recientemente a keda apunta como director di KIA, a forma parti di e reunion aki, cu el a cataloga di a bay den bon atmosfera.
E combersacionnan riba e tema aki tabatin algun tempo andando caba. “Tur hende ta habri pa un solucion y mi mes ta un persona cu ta traha pa busca solucionnan. Y cu e contribucion di tur esnan sinta na mesa, nos ta yega na un solucion. E no ta nada cu e por bira un problema. E ta bayendo direccion pa e trahadonan haya trankilidad pa haci nan trabo sin problema.
Ademas, el a bisa, a delibera pa hopi tempo caba y awor ta momento pa pone e puntonan riba e i pa trata di yega na un solucion. Y tur hende kier un solucion. E combersacionnan a bin ta andando for di 2012 pero no falta mucho cos mas pa discuti.
Despues di a analisa e situacion den KIA, el a yega na e conclusion cu tin escasez di personal. E tema aki ta bay wordo atendi cu Oficina di Minister di Husticia. Pero ta trata di soluciona un problema cada bes pa no atende yen di problema na mesun momento. E ta sinti si cu e trahadonan ta motiva pa haci e trabou manera debe ser.
