Gustavo Adolfo Jimenez ta director di turismo di e departamento Elmeta y e ta conta kico COTAL ta nifica pa nan y tambe e espectativanan cu nan tin pa COTAL. El a conta cu nan ta contento y complaci pa tin nan na Colombia y tambe den e departamento di Elmeta. Pa nan ta un ocasion special cu tabata tin na cuenta cu nan ta na Villavicencio, capital di e departamento pa realisa e congreso internacional aki. Importante pa tin un reconocimento na nivel di Latino America, Sur America y complaci di por atende nan y disfruta di nan presencia eynan.
Mercado turistico
Jimenez a splica cu nan ta apuntando na e turismo di e departamento. Nan tabata tin temponan dificil na Colombia. Tambe den e departamento aki y awor aki nan ta den tempo di paz, pa por desaroya un turismo y potencialisa nan rikesanan natural.
Beneficio
Nan ta sinti cu e intercambio di experiencia, e visibilisacion cu ta duna nan den e congreso, e posibilidad pa tin diferente pais eynan, embahadornan apostando riba turismo emergente cu ta haci cu e departamento aki tin un reconocimento na nivel mundial, el a splica.
Hopi interes
Miriam Janet Barbosa ta secretaria di competitividad di e alcaldia di Villavicencio y nan ta anfitrion desde dia 25 pa dia 30 di Juli, pa e prome Congreso Internacional di Destinonan Emergente, cu ta tumando luga na Villavicencio cu 20 pais invita di Latino America y como invitado special Tolima. E expectativanan cu nan tin cerca di 600 invitado di orden nacional y internacional y cerca di 200 empresario local di turismo.
Importancia
Prome nan tin e bishita historico di Papa dia 8 y 9 di September. Tambe a transita den e teritorio cu antes tabata di guerra y a pasa pa un teritorio den paz. Un teritorio consolidando cu gruponan emergente, cu gruponan cu a desarma, pero tambe cu e poblacion cu tabata trahando entorno petroleo, turismo, agro industria. Awe e apuestanan productiva ta dos. Agroindustria cu ta basa riba un sistema agricola ipecuario cu un formacin productivo, y turismo, como un sector incluyente y participativo pa e comunidad y pa su habitantenan. Esey ta a permiti nan orienta nan vocacion, retoma tambe nan vocacion agricola y probecha e tema di naturalesa, y paisahe como un di e principal atractivo pa e turistanan internacional. Igualmente nan un ora y 20 minuut di Bogota, unda cu por a mira e topografia y e obranan di ingenieria cu ta desaroya den 90 kilometer den e villa Bogota, Villavicencio, e capital di Colombia y ta un di e gran atractivonan pa e turistanan.
Finalmente e gastronomia di Villavicencio, a comberti den un di e atractivonan pa e bishitantenan. Nan ta pionero den e puesto di cuminda internacional, na nivel nacional. Nan ta desaroyando nan certificacion di nominacion di origen di productonan haci di manera artesanal, manera pan de aroz, manera queso siete cueros y algun otro producto tradicional di nan agricultura.
No mester tin miedo
Nan a incrementa nan nivelnan, no solamente di siguridad, sino cu awendia, e cantidad di turista stranhero cu ta bishita nan a crece mas di 50%. Awe no solamente nan ta un ciudad cu ta competi cu otro ciudadnan manera Cali y Medellin, sino cu nan tin menos tempo via terestre y ta nan bentaha cu nan ta cerca di e capital Bogota. Naturalmente tabata tin un gran inversion y gran desaroyo di hoteleria y hoteleria campestre y agro hoteleria, loke nan ta yama e hotelnan y e fincanan agroturistico. Tambe nan a bin ta preparando den calidad, den servicio, normanan tecnico internacional, sectorial y porsupuesto den sostenibilidad di nan teritorio, Elmeta y Villavicencio ta destinonan turistico natural cu nan kier conserv’e y haci cu nan bishitante por compronde e importancia di no genera impactonan negativo, si no cuida e medio ambiente y cu e rikesa natural cu nan ta conta riba dje.
COTAL
COTAL ta un prome porta cu ta habri pa e destino di Villavicencio como un destino emergente di naturalesa, folklore y awo un destino di paz.
