Pa prome biaha e Embahador di Brasil pa Aruba estableci na Trinidad y Tobago, Port of Spain, Mr. Jose Antonio Gomes Piras tabata di bishita na Aruba hunto cu su colega Consul General di Brasil Mr. Jose Correa da Silva Acioli.

E motibo principal di nan bishita tabata pa conoce Aruba y e Comunidad Brasilero residente como tambe un reunion informal na Departamento di Relacion Exterior cu Sr. Edwin Abath y tambe Departamento di Maneho di Calamidadnan pa discuti y conoce e protocol den caso di un catastrofe y por divulga e modelo estabeleci na Aruba pa otro isla den su jurisdiccion.

Nan a keda sumamente contento cu e plan presenta door di Sr. Rino Hermans tocante e topico aki. Tambe nan a laga sa na esnan presente den e reunion, cu a tuma lugar diasabra anochi den ballroom di HOTEL RIU PALACE, cu a habri nan porta pa esaki por bira un realidad, un cambio den servicio cu ta bira mas eficiente. E Consulado di Brasil na Aruba, Sr. Carlos Andre Augusto awo por brinda na e comunidad Brasilero na Aruba un mayor cantidad di servicio cu antes solamente tabata posibel directamente na Embahada na Port of Spain. Esaki ta nifica pa e Brasileronan na Aruba menos gasto manera pasashi, hotel, y tambe e hecho cu ta perde dianan di trabou. Awo e servicio aki ta accesibel directamente na Aruba mes, entre otro:
– Renoba Passport di Brasil
– Registro di Nascimento
– Registro di Casamento
– Registro di Fayecimento
– Registro di Titulo Electoral
– Registro di Certificado Militar
Tur e documentonan menciona ta sigui wordu emiti na Embahada in Trinidad y Tobago, pero e tramitenan y tur conferencia di documento necesario pa cu esaki, manera formulario, ta disponibel na Aruba mes y e Consulado ta bay ta esun encarga pa manda tur formulario pa Trinidad. Esaki ta haci cu e gastonan envolvi ta bay baha  considerabilmente compara cu antes cu mester a biaha pa bay na e Embahada.

Mas detaye di full e processo ta den fase di implementacion y por consulta directamente cu Consul na Aruba pa esclarece, via telefon celular: 5946001 of  e-mail: [email protected] E delegacion a keda encanta cu e amabilidad y cortesia brinda na nan den e prome bishita y ta gradici Sra. Eleisah Williams, di Departamento di Relación Exterior cu a yuda cu tur e parti protocolar di e bishita aki, y tambe pa Milka Legger di Mattew’s Restaurant.

Comments

comments