Un evento special a tuma luga diaranson anochi caminda a haci presentacion di un sistema nobo di aplicacion pa credito na Facilito Cash Loans.
Compania Unicomer, estableci na mas di 24 pais rond mundo y empleando mas di 15 mil hende, su core business ta financing caminda ta ofrece e posibilidad di cumpra via sistema di credito.
Di sumo importancia na cualkier establecimento, ta pa ofrece, den un manera sigur y economico cu e cliente por afford, e oportunidad/facilidad cu nan por yega na fiansa via huurkoop/credito.
Sonia Manglani, managing director Unicomer Dutch Caribbean a conta riba existencia di AMC Unicon pa mas di 65 aña caba, ofreciendo huurkoop n’e comunidad di Aruba. Un compania cu cada bes kier keda innova y cada biaha kier ta e miho den Mercado y asina ofrece e oportunidad mas grandi na e mercado di Aruba.
Mirando cu na otro pais ta ofrec’e, definitivamente cu na Aruba tambe kier haci esaki.
Francois Krist, Managing Director Bluestart Capital Aruba tambe a hiba palabra durante e anochi aki a conta cu pa hopi aña caba tin hopi cliente cu ta cera un credito na AMC Unicon cu a yega di haci e remarca cu ta haci falta un credito riba placa cash. For di aki a nace e idea di bin cu e facilitacion aki.
Mirando e dificultad y papeleo cu ta hiba na cualkier banco, a duna e cliente e opcion pa presta placa sin tanto exigencia pa yega na un credito. Krist a duna di conoce cu cerca nan e lo bay ta hopi mas facil y sigur hopi mas rapido. Naturalmente a stipula un maximo, cu lo ta e suma di 24 mil florin den un termino maximo di 24 luna.