Awe mainta Universidad di Aruba a reconoce “Academic Excellence” na su facultad di Hospitalidad y di Maneho di Turismo. A anuncia e “Dean’s List pa Spring Semester 2019” durante un desayuno prepara pa e propio docentenan, pa honra e miho studiantenan di Universidad. E docentenan envolvi ta e “Dean”, esta John Wardlaw y e “vice-Dean”, cu ta Madhu Jadnannsing.
Den e categoria Freshman:
- Jhon Jairo Gomez Ballesteros
- Sonia Leo
Juniors: - Sophie-Diane Donker
- Maria Fernanda Talavera Quintero
- Stephanie Matos
E studiantenan cu a bini na remara pa e honor special aki, mester a haya un grade di GPA di riba 3.25. Esey ta nifica cu nan “Grade Point Average”, un sistema Mericano di atende cu cifranan. Mescos cu den e sistema Hulandes ta duna punto di 1-10, e sistema Mericano ta traha cu porcentahe cu ta converti den un letter (A, B, C, D y F) y esey despues ta haya un number di 0-4.
Asina por ehempel un A ta 4.0, un F ta un 0. Cada semester ta duna 6 vak, cada vak ta haya un letter depediendo di e punto/porcentahe cu e studiante a haya na final di e semester. E average di e 6 vakken ta bira e GPA di e semester ey. Cada semester tin su propio GPA pero tambe e ta acumula di semester pa semester.
