Awe studiantenan di scol basico ta pasa “Verkeersexamen”

Awemainta 39 scol rond di Aruba a participa den e verkeersexamen. Tur aña di nobo studiantenan di scolnan basico rond Aruba den klas 5 tin cu pasa un examen cu tin haber cu reglanan di trafico. Ta pa 62 biaha cu ta wordo haci na Aruba. Un total di 1485 studiante ta pasa nan examen e aña aki.

Na tur scol tin un Polis presente specialmente riba e dia aki cu tin haber cu e examen di reglanan di trafico. Cuerpo Policial Aruba ta traha cu e reglanan aki y pesey ta presente pa stimula tur studiante e importancia pa sa e reglanan di trafico.