Awe nochi Partido AVP ta cende luz di kerstboom

597

Awe nochi pa 7:00pm Partido AVP tin un ceremonia special pa cende e luznan di kerstboom na Cas di Partido. E actividad aki lo ta e preludo pa e Concierto di Speransa cu lo tuma luga den Crystal Theater dia 14 di December cu un programa musical hopi special di e miho cantantenan den cancionnan di Pasco na Aruba compaña pa grupo Badu di Robert Maduro. 

Lider di AVP, mr. Mike Eman a pone Diadomingo atardi hunto cu tur e boluntarionan e toke final na e top di kerstboom, cu e strea blanco y berde di speransa pa un Pasco yena di bendicion pa henter Aruba.

Dialuna for di atardi e ambiente di e cendemento di luz lo inicia na Cas di Partido pa anochi culmina cu iluminacion di e kerstboom. Claro cu e lo bay cu musica y bon ambiente di tur amigonan y sostenedonan di e partido cu a logra mas tanto voto durante e ultimo eleccion. 

Pa e final di aña tambe Partido AVP a saca un edicion special di su organo oficial di informacion REALIDAD. Por pasa libremente na Cas di Partido of cerca candidatonan y dirigentenan di bario pa haya bo edicion gratis di REALIDAD.