Awe marduga: A detene 3 sospechoso mas pa asesinato di Ski

1013

Den un accion relampago den oranan di marduga, Recherchenan encarga cu investigacion relaciona cu asesinato di Ski a detene un total di 3 sospechoso. Den weekend a gara e sospechoso principal fam Nortan. E lo ta esun cu a los e tironan cu a alcansa Ski.

Dialuna marduga e team di recherche a subi caya pa detene e demas sospechosonan. A detene dos mucha homber y un mucha muhe, tur ta di edad hoben. A drenta cas na Sabanilla Abou, Mon Pos y Mahuma. Na Mon Pos a haci dos detencion, un mucha muhe y un mucha homber. Na Sabanilla Abou a detene e otro mucha homber. Na Mahuma no a haci detencion. A confisca diferente telefon celular y tambe a confisca cierto cantidad di Marihuana na e adresnan bishita.

Awor cu detencion di e hoben R. Nortan y e otro tresnan aki lo sigui e proceso di interogacion. No a menciona cu a haya arma. Team di recherche a haya sosten tambe di Arestatie Team pa haci e detencionnan aki.

E dos sospechosonan deteni na Mon Pos ta menor di edad. Esun deteni na Sabanilla Abou ta mayor di edad. Dimes esun fam Nortan deteni diabierna tin 18 aña, pues tambe ta edad jong.