Henter e pueblo di Aruba ta keda cordialmente invita pa yega Kooyman pa su Tool Festival, cu a cuminsa for di 9’or di mainta y lo dura te cu 5’or di atardi.
E biaha aki e festival di herment ta mas grandi cu nunca, ofreciendo nan descuentonan masha atractivo mes pa su clientenan.
Awe tin grandioso Kooyman Toolfest
Posted by 24ora on Saturday, September 28, 2019
Tur esnan cu ta traha den construccion, cu ta haci hopi trabou na cas of tin proyectonan pendiente pa realisa. Awe ta e dia caminda cu bo por wak e diferente producto y hermentnan pa cualkier tipo di construccion. Tambe Powertools, cu prijs y descuentonan unico cu Kooyman por ofrece durante su Tool Fest, cual ta un biaha pa aña.
E lo ta un dia yena di oferta fantastico, entretenimento, demostracion di e diferente tipo di herment di diferente marca y hopi mas.
Interesante ta cu lo bay tin booth di ocho diferente tipo di marca di renombre mundial y cada un tin nan representante cu ta bay haci demostracion di e herment y producto di nan empresa.
Marcanan cu ta bay tin un representante biniendo for di afo ta: Global Paint, Bison, Kuzeta, Milwaukee, Makita, DeWalt, Black & Dekker & Orgill. Algun di nan a yega Aruba diahuebs den oranan di dianan y otronan ta yega diabierna y prepara nan mes pa dia grandi di Tool Festival.
E atraccion grandi di e Festival aki ta cu lo bay tin descuentonan hopi atractivo di entre 10 pa 40%, riba e diferente marcanan. Y e variacion di hermentnan na benta den Kooyman ta grandi, na necesidad di tur hende. E ta un festival cu ni hende homber ni e hende muhe por perde pasobra ta un biaha pa aña so e ta tuma luga.
Mayornan por participa hunto den e Festival mientras cu ta laga e muchanan chikito hunga den e “Kids Corner” cu ta habri for di 10’or di mainta pa 12’or di merdia, ofreciendo popcorn y pintando cara di e muchanan.
Y si bo no por logra awe, mañan diadomingo e Tool Festa ta continua for di 9’or di mainta te cu 2’or di atardi, pa asina bo disfruta di e prijs y descuentonan gigantesco cu Kooyman ta conoci p’e.
