Awe Damanan di Patruya 37 tey keto bay Danki na Trudy Hassel

8385

E por ta sona fastioso pero esaki ta e realidad di bida. Mal uso di poder den bo funcion ta algo cu mester cuestiona. Pa menos cu esaki tin hende cu a perde nan trabou of a manda nan cas. Parce cu tin hende cu tin hopi suerte cada biaha cu faya. Trudy Hassel ta un di nan. Varios biaha Trudy Hassel a comete blunder grandi. Un biaha mes el a core bin cu informacion riba Molen y a deal directo cu Ministerio Publico.

A core bay prepara mas Polis cu cualkier carnaval pa haci inval na Molen. A bay cu hasta helicopter. A drenta tur caminda riba tereno di Molen sin haya un arma y sin haya droga manera Trudy Hassel a meld directo na Ministerio Publico. Pasa tras di lomba di KPA pa bay core hiba su tip falso na Ministerio Publico y comete un blunder. Cu e muhernan di e caso di Patruya 37 e no tabata diferente. Trudy Hassel kier a haci un show cu e dos muhernan aki y a logra monta su show tambe. Solamente cu e dos muhenan aki ta na Aruba keto bay Danki na e show di Trudy Hassel cu ta hefe di Guarda Nos Costa. A core busca e muhernan tur caminda despues cu nan a dal auto burachi, keda deteni y despues di yega Guarda Nos Costa a haya ordo pa laga nan bay.

E dos muhernan a chercha di autoridad mustrando cu ta nan ta “La Poderosa”. Hendenan cu tin ya un aña ilegal ta reta husticia. Loke e dos muhernan aki a haci y haya libertad na Guarda Nos Costa a cay den mal tera cerca pueblo cu a reacciona fuertemente contra Minister di Husticia. Ordo a bay pa busca ambos dama despues cu nan a bay DIMAS y eynan a bisanan cu nan Peticion pa Asilo a wordo nenga. Ora nan a haya e noticia a bisanan cu nan mester bandona Aruba. Eynan mester a tenenan mesora y bay cu nan GNC. Djey concientemente Trudy Hassel a cuminsa un buskeda pa e muhernan den oranan di marduga. Te cu finalmente a tende cu ambos ta na airport riba un diasabra bandonando Aruba. Pura pura Trudy Hassel a manda hende buscanan y strobanan di bandona Aruba mainta.

Trudy Hassel a bay monta un show riba FaceBook. Mustra cu a garanan etc. Den e caso aki a strobanan di bandona Aruba mainta y no a pone nan riba vuelo di atardi tampoco. Finalmente nan a bay hues comisario y eynan hues comisario a bisa pa laga nan bay liber mesora. A mustra cu Trudy Hassel no mester a detene nan. Mester a duna nan e carta di deportacion y laga nan sigui mesora. Danki na e show cu Trudy Hassel a bay haci y tene nan, diripente e frontera di Colombia a cera. Esey kiermen cu e dos muhernan di Patruya 37 mester a keda Aruba. Nan a keda Aruba desde e dia ey y te awe nan tey keto bay. Tristo pa mira con un simpel mal uso di poder pa haci show a causa cu e hendenan aki awe ta atras ainda na Aruba. Awor tur Diamars durante Shelter in Place mester presenta na GNC djis pa meld. Ta varios strike el a haya caba. Pero nunca a yega na e strike pa e poncha finalmente. Un di e casonan cu tanbe a cuestiona Trudy hassel, ta dia cu Trudy Hassel mester a laga un mama bay liber mesora riba ordo di hues, pero a tene secuestra contra e decision di hues. Cada biaha Trudy Hassel ta viola leynan, pega barco, trapa sentencia di hues y pone cara di minister Andin Bikker na berguensa. E foto aki ta mustra con ambos a yega na GNC pa firma y tur protehi pa no pega cu Coronavirus.