Aña pasa e competencia di ciclismo “Classico Himno y Bandera” tabata un exito rotundo mirando e cantidad di ciclista di ruta y mountian bike cu a participa na esaki. Siman pasa AWB a tene dos dia di warm-up race cual e participacion masal a bisa tur cos con e evento rond di 18 di maart lo bay ta.
Tur aña Aruba Wieler Bond ta celebra nos dia nacional Himno y Bandera cu un evento clasico di ciclismo. E clasico di Himno y Bandera ta e evento di mas edad den e historia di ciclismo na Aruba. Pa e aña aki a dicidi di hasi un evento di tres dia unda lo tin competencia di ciclismo di ruta y mountain bike pa e categorianan infantil, hubenil y adulto. Mescos cu aña pasa e evento lo wordo celebra Pariba di Brug esta na Sero Colorado den Colony. Pa 18 di maart riba e dia nacional di Himno y Bandera lo tin riba e programa e competencia di ciclismo di ruta cu lo inicia na Colony/Sero Colorado. Esaki lo bay te districto di Noord pa despues regresa bek Colony unda e lo finalisa. Diasabra 24 di maart lo tene e competencia di Kid’s mountain bike Race pa e muchanan esaki den Colony. Y pa su diadomingo mainta 25 di maart lo tin e tradicional Mountain Bike Race hunto cu un evento Cycling for All Bike Tour.
Stichting Sportsubsidie Aruba ta subsidia e competencia di ciclismo di ruta y mountain bike di AWB celebrando nos Dia Nacional Himno y Bandera 18 di maart.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
