Awa straño di WEB spantando habitantenan di San Nicolas

Yamadanan a drenta na cantidad di habitantenan di San Nicolas cu a constata un awa di WEB cu color malo. Pa prueba esaki dialuna anochi banda di 10:30 nan a haci e grabacion y manda esaki como prueba. Algun di e habitantenan ta di San Nicolas. Weg Sero Blanco ta un di e areanan afecta.

E awa di atardi ta asina y nan no por haya un splicacion valido riba esaki for di WEB. Pa evita di causa daño na nan salud a sali gasta placa y cumpra awa pa pone na cas. Nan no sa si e awa cu color raro aki ta contamina. Riba e video bo ta mira claramente e color di awa y esaki ta prueba di un di e tantisimo yamadanan cu a drenta di atardi te cu anochi na nos redaccion.