AVP ta organisa encuentro di voluntarionan 2019

Lider di Partido mr. Mike Eman y Miembro di Parlamento drs. Mervin Wyatt-Ras a anuncia un evento importante riba e anochi di informacion di PHP. Dia 1 di september partido AVP ta organisa Encuentro Voluntarionan 2019. Motivacion, Formacion y Compromiso lo trece dirigentenan di bario, activista yvoluntarionan di Partido di Pueblo Arubano AVP hunto pa un Causa Comun. Esaki ta bay ta den Renaissance Convention Center for di 9or di mainta dia 1 di september. Despues di e encuentro ta sigui un brindis pa celebra hacimento di aña di lider di partido mr. Mike Eman.

Lider di Partido mr. Mike Eman a splica cu AVP tin un base hopi special cu ta caracterisa e origen di su existencia: AVP a nace for di un sentimiento comun y profundo den e pueblo di Aruba; Un Causa Comun ! Hopi otro partido a sali di un otro partido y no tin e aspecto importante di un sentimiento comuncomo fuente di nan nacimento.
Nace for di un sentimiento comun a caracterisa e esencia di AVP den curso di historia. Integrantenan di e partido ta realisa cu nan tin un yamada pa contempla e nececidad y aspiracionnan cu ta biba den comunidad y traduci esaki den un perspectiva pa futuro, un Plan di Pais. Cada un den su tempo.

Drs.Mervin Wyatt-Ras a mustra con Partido bao liderazgo energico y inspirativo di Mike Eman un vez mas ta preparando su mes pa e reto di saca Aruba padilanti. Den esaki exito di partido AVP y su forza riba e direccion politico di nos Pais Aruba ta depende di e esfuerzonan di dirigentenan di bario, activistanan y voluntarionan dedica y cu un deseo pa sirbi nan comunidad. Ta nos voluntarionan ta e ciudadanonan cu ta brinda tempo, energia y creatividad cu e solo meta di mira Aruba bay dilanti, drs. Mervin Wyatt Ras a splica. Ta e dirigentenan di bario, activistanan y voluntarionan ta conecta partido diariamente cu ciudadanonan den tur bario. Ta nan bishitanan hunto cu Lider di Partido y candidatonan na casnan den bario y combersacionnan cu famia, bisiña, amigo y colega ta crea un comunicacion directo entre e voluntad di Pueblo y AVP.
Mr. Mike Eman a splica cu historicamente ora cu e Plan di Pais cu AVP ta ofrece ta corela y conecta cu e nececidadnan di Pueblo e partido ta wordo yama pa dirigi nos Pais. Si analysa e momentonan aki den historia, for di AVP su nacemento y despues, partido ta wordo yama pa dirigi nos Pais ora cu tin sentimentonan hopi profundo y cu ta wordo sinti ampliamente den comunidad. Momentonan asina cu Pueblo ta den buskeda pa solucion y direccion, cu ta duna contesta na nan inkietud y anhelonan hopi profundo y AVP su Plan di Pais ta responde na esakinan ta crea e encuentro entre AVP cu Pueblo y Pueblo cu AVP, mr. Mike Eman a enfatisa.

Mr. Mike Eman: “Asina tur e liñanan invisibel di sentimentonan comparti ta forma un anhelo y un Causa Comun, ta crea e momentonan cu AVP y Pueblo ta comparti sentimento y ideanan pa cu e destino di nos Pais. Ta e coneccion aki ta wordo reinforza y enfatisa durante e encuentro cu voluntarionan dia 1 di September na Renaissance Convention Center.

Comments

comments