AVP ta cla pa marcha dia 12 di April

Diadomingo tabata tin un actividad na cas di Mama Blanche, caminda cu miembro, simpatisante, parlamentarionan di AVP, como tambe lider di e partido a reuni, pa asina prepara pa e gran marcha cu ta tuma luga dia 12 di April proximo.

Lider di fraccion di AVP, Marlon Sneek, a elabora riba e gran marcha y tambe inscripcion pa loke ta Parlamento Europeo.

E ambiente na cas di mama Blanche, tabata, pa tanto e parti di registracion pa Parlamento Europeo, pero tambe banda di dje, bin pa cumpra nan T-Shirt pa prepara pa dia 12 di April.

AVP ta cla pa Marcha

Posted by 24ora on Sunday, March 31, 2019

Dia 12 di April ta bay bira un dia di un marcha nacional, caminda tur hende, ta trabao cu AVP ta haci, tur hende ta invita, cada ken cu tin cualkier problema, cualkier situacion cu nan ta haya cu e gobierno aki no ta trata nan manera debe ser, ta liber pa join y pa dia 12 di April, manda e mensahe loud and clear pa gobierno, cu no ta acepta mas medida, no ta acepta cu nan ta keda hinca man den saco di pueblo, sin cu pueblo por mira unda nan placa ta bay.

Tambe diadomingo, tabata bezig pa loke ta inscripcion di Parlamento Europeo. E inscripcion a tuma luga di 2’or di merdia pa 6’or di atardi, pa asina haya e oportunidad pa scoge e candidato pa Parlamento Europeo.


Pueblo ta bisa ta basta

Pueblo ta bisa ta basta y dia 12 di April, AVP ta invita un y tur, na momento cu bo realisa cu e situacion aki no por, bo cartera ta bashi, pakico? Ki ora bo bay den supermercado, bo no por paga pa e produntonan cu tin, segun Parlamentario Mervin Wyatt-Ras. Loke nan a priminti, no a cumpli, no a baha edad di pensioen, no a hisa salario minimo, no a haci nada loke nan a priminti. Asina ta tin cu haci algo. Pesey nan ta organisa e marcha y ta spera pa un y tur Sin Miedo, bin cu AVP, cana cu nan, pa asina mustra cu e situacion aki no por sigui.

Diadomingo tabata un pida di loke tabata bezig cun’e, pa asina registra tur hende, bin hunto, pa marcha y mustra nan mal contento cu tin. Ya ta basta cu e situacion aki, e parlamentario a expresa


Segun lider di partido, Mike Eman, ta hopi contento cu e recepcion. A haci yamada na comunidad pa e registracion pa parlamento Europeo, pero tambe pa prepara pa e marcha dia 12 di April, comunidad ta sinti e necesidad pa un eleccion nobo. Aruba a wordo defrauda, e ta sinti cu e direccion aki no ta esun husto. Demasiado perdida di poder di compra, demasiado medida, demasiado mentira, demasiado corupcion pa amigo y familiarnan, cerca di e gobernantenan, enbes di pone e pais y pueblo na prome luga.

Pueblo a responde asina grandi y diadomingo tabata parti cu e organisacion aki tin den preparacion pa 12 di April.

Lo bay tin reunion na Dakota. Ta bay tin un reunion grandi na San Nicolas, na Teresita Center diasabra awo. Un invitacion ta bay na pueblo, tanto Marlon Sneek y tambe sr. Arthur Dowers ta organisando na Dakota. Diaranson awo, Benny Sevinger ta organisando, hunto tanto Jennifer Arends-Reyes y Rene Herde, un reunion grandi den pueblo di Playa Pabao, na cas di mama di Benny Sevinger, caminda e pueblo ta bin hunto pa duna testimonio di e necesidad pa e cambio, e necesidad pa eleccion nobo y cu pueblo ta uni pa esaki. Asina formando un gran union den pueblo, hunto cu otro organisacionnan den nos pais, preparando pa dia 12 di April, Aruba completo sali cu un di e manifestacionnan mas grandi cu Aruba a mira den hopi aña.


Comments

comments