Awe tardi pa 4’or, partido AVP ta haci un yamada na comunidad, pa asina marcha for di DOW bieu direccion bestuurskantoor. Ya for di ayera nochi, nan tabata preparando pa loke ta e marcha di awe tardi, e Marcha di Historia manera nan ta yam’e.
Lider di partido, Mike Eman a comenta cu nan ta cla pa awe. E realidad nos por mira awe cu henter e gobernacion aki ta basa riba un mentira grandi y durante tur e siman y dianan aki a repasa tur e mentiranan y awe por mira cu comunidad di Aruba, ta cla pa marcha. Ta haci un invitacion na henter pueblo di Aruba, pa yega na DOW bieu. 4’or ta sali bay direccion di bestuurskantoor, pero mas tempran ta aglomera na Cas di Partido.
Awe tempran nan tey na Cas di Partido y tur esnan cu uni despues di ora di trabao, ta sali pa bay marcha. E pueblo ta dicidido pa por garantisa un eleccion nobo pa nos comunidad.
