AVP ta anuncia Curso Basico di Formacion Politico

Fundacion Instituto Formacion Politico Digna Laclé-Herrera ta anuncia cu diahuebs 5 di september 2019 e curso basico di Formacion Politico ta cuminsa atrobe na Cas di Partido AVP. Entrada ta gratis y material di estudio lo ta disponibel den forma digital.

E prome parti di curso lo wordo suministra pa docente universitario mr. dr. dr. Ryçond R. Santos do Nascimento. Su experticio ta riba tereno di derecho constitucional y relacionnan den Reino.

Meta di e curso ta pa brinda tur ciudadano interesa informacion y educacion encuanto nos structura estatal, nos sistema parlamentario y principionan di bon gobernacion. Tur persona cu ta desea pa sigui educa su mes y cu tin bienestar general di nos comunidad na pecho ta keda cordialmente invita!

Parti Topico Fecha
Parti I Nos Constitucion & Sistema Parlamentario 5, 12, 19 en 26 september 2019
Parti II Derechonan Fundamental & Sistema Hudicial 3, 10, 17 en 24 oktober 2019
Parti III Derecho Administrativo 31 oktober, 7, 14, 21 november 2019