AVP a cera aña 2019 sumamente festivo y duna 2020 un bon bini rumbo pa un cambio nobo

E ambiente tabata uno di deseo cu e pagara di partido AVP lo yama un aña nobo di cambio, segun ex prome minister y lider di AVP, Mike Ema. 

No por haci e momento eynan uno cu un mensahe mas grandi di kico ta e ambicion y aspiracion di e partido pa Aruba, cu e 17 bes campeon mundial, Sarah-Quita Offringa.

AVP cu e pagara cendi pa Sarah-Quita Offringa cu Mike Eman y Robert Candelaria

Posted by 24ora on Tuesday, December 31, 2019

Awor aki nos ta den Bush League, pasobra nos no tin un gobernacion cu tin capacidad.

Y awe a bin hunto pa duna animo, duna speransa y duna pueblo e forsa cu nos mester pa e transicion di e aña aki, pa por habri e aña cu e determinacion cu e cambio lo bin den 2020 y cu un promesa di un vision cu ta encera alivio, felicidad, oportunidad atrobe pa nos hendenan, segun Eman.

Aruba a bira caro

Tur loke a tende den e dianan aki, tur hende cu Eman por a topa, ta cu Aruba a bira demasiado caro. E peso cu a wordo poni riba nos comunidad ta demasiado. Nos hendenan kier un alivio.

Nos hendenan kier un gobernacion atrobe cu capacidad, cu un mente di traha pa pueblo y no traha pa algun y un mente positivo tambe di no distrui, no persigui, pero traha pa e comunidad aki.

Esey ta e deseo di e pueblo y esey ta loke partido kier haci. Awe nan kier a comparti e mensahe aki cu tur activista, miembro, pero tambe simbolicamente cu Sarah-Quita, 17 biaha campeon mundial.

Kier pa Aruba ta campeon y pueblo ta campeon. Ta pa esey Aruba ta bay.

Sarah-Quita Offringa, hunto cu lider di AVP, Mike Eman, a sa di cende e pagara di partido, pa asina bisa aña 2019 ayo y duna un bon bini na aña 2020, marcando asina, comienso di un decada nobo.