Avior Airlines ta suspende operacionnan comercial den Caribe

743

E aerolinea Venezolana Avior Airlines, a informa atrabes di un comunicado e suspension di su operacionnan comercial den Caribe, di manera indefini.

E ta detaya cu nan a suspende nan operacionnan for y pa Corsou y Aruba, debi na e restriccionnan gubernamental cu nan ta sigura di ta impacta directamente nan vuelonan.

Tin cu corda cu e gobierno di Nicolas Maduro a ordena dia 5 di Januari ultimo, e ciere fronteriso entre Venezuela y e islanan di Aruba, Corsou y Boneiro.

E comunicado ta bisa lo siguiente: “Avior Airlines ta anuncia na su pasaheronan,cliente, agencianan di biahe, aliadonan comercial y publico en general, e cese di nan operacionnan for y pa e islanan di Aruba y Corsou, desde e fechanan dialuna, dia 15 di Januari, 2018 y dialuna, dia 24 di Januari, 2018, respectivamente. Den ambos caso, e decision ta obedece e restriccionnan gubernamental cu ta impacta directamente e vuelonan 9V1206/9V1207 y 9V1208/9V1209.

Tur e pasaheronan afecta, sea Venezolano of stranhero, mester solicita pa duna placa bek:

Den e caso di a adkiri e pasashinan directamente for di e website di avios, den e Centronan di Servicio y/of di Contacto telefonico, indistintamente, mester tramita esaki atrabes di https://www.aviorair.com/Guia/Reembolso-Procedimiento.

Den e cso di a concreta e compra atrabes di agencianan di bihe of otro website, mester recuri directamente na nan pa gestiona esaki.

Avios Airlines ta lamenta e molestianan causa y ta reitera cu nan interes ta genuino den mantene como prome aerolinea Venezolano den cantidad di destio y conexionnan nacional y internacional.

For di Aruba Tourism Authority nos a compronde cu e decision no ta afecta Aruba, pasobra prome cu e decision di Presidente Maduro di Venezuela, ya Avior no tabata bulando mas pa y for di nos isla, debi cu Departamento di Aviacion Civil di Aruba a kita nan permiso di operacion. Pues e medida lo afecta Corsou awor mas tanto.